KUSHTET E PËRGJITHSHME

WWW.LISI-M.COM

1. Hulumtimi & realizimi i porosisë
1.1 Produktet mund të hulumtohen përmes hapësirës së kërkimit apo duke naviguar në kategoritë përkatëse dhe më pas procesohet porosia duke ndjekur hapat deri tek shporta dhe konfirmimi i saj.
1.2 Për informacione shtesë rreth produktit, konsumatori mund të referohet tek detajet e paraqitura në webfaqe ose të kontaktojë Shërbimin për Kujdes ndaj Klientit.
1.3 Porosia dorëzohet në afat prej 24 deri në 48 orë.

2. Modifikimi dhe Anulimi i Porosisë
2.1 Për modifikimin e porosisë, konsumatori duhet të kontaktojë përmes telefonit ose rrjeteve sociale.
2.2 Në rast të modifikimit të vonshëm, afati i procesimit shtyhet deri në 48 orë.
2.3 Anulimi i porosisë bëhet përmes telefonit ose rrjeteve sociale, para dërgimit të saj.

3. Pranimi i porosisë
3.1 Afati i procesimit dhe dorëzimit është deri në 48 orë brenda Kosovës dhe deri në 5 ditë pune për Shqipëri dhe Maqedoni.
3.2 Në rastet e veçanta kur produkti nuk është në stok, konsumatori njoftohet në afatin më të shpejtë të mundur.
3.3 Në rast dëmtimi gjatë paketimit ose transportit, dërgesa mund të anulohet ose zëvendësohet, për çka konsumatori do të njoftohet.
3.4 Vonesat mund të ndodhin gjatë aksioneve, shitjeve festive ose për shkak të faktorëve të jashtëm.
3.5 Në rast të pamundësisë për kontakt me konsumatorin, porosia mund të anulohet.

4. Kthimi i porosisë
4.1 Konsumatori ka të drejtë të verifikojë produktin në momentin e pranimit dhe ta refuzojë atë nëse nuk përputhet me porosinë e realizuar.
4.2 Konsumatori ka të drejtë të tërhiqet nga blerja dhe të kthejë produktin brenda 14 ditëve nga data e pranimit, duke njoftuar shitësin përmes emailit, rrjeteve sociale ose telefonit, dhe të rimbursohet për pagesën e realizuar brenda 14 ditëve nga pranimi i produktit të kthyer, në të njëjtën mënyrë pagese.
4.3 Produkti i kthyer duhet të shoqërohet me kupon fiskal, të jetë i papërdorur, i padëmtuar dhe në paketim origjinal.

5. Mënyrat e Pagesës
5.1 Pagesa realizohet në para të gatshme në momentin e pranimit të porosisë ose përmes transferit bankar para dërgimit të produktit.

6. Përpunimi i të dhënave personale
6.1 Kompania përpunon të dhënat personale të konsumatorit si emri, kontakti dhe adresa e dërgesës vetëm për procesimin e porosive, dorëzimin e produkteve dhe përmbushjen e detyrimeve ligjore.
6.2 Të dhënat ruhen në mënyrë të sigurt dhe ndahen vetëm me palët e treta të domosdoshme (p.sh. shërbime postare), ndërsa konsumatori ka të drejtë qasjeje, korrigjimi ose fshirjeje të të dhënave duke kontaktuar kompaninë.

7. Kontakti
Për çdo informacion rreth procesit të blerjes, konsumatorët mund të kontaktojnë Shërbimin për Kujdes ndaj Klientit në: +383 49 974 002 (e Hënë–e Premte, 08:00–16:00) /  info@lisi-m.com